🌾महिला शेतकरी प्रमाणपत्र २०२६ | आता महिलांनाही मिळणार कायदेशीर शेतकरी म्हणून ओळख !

"महिला शेतकरी प्रमाणपत्र 2026"

 राज्यातील शेती करणाऱ्या महिलावर्गांसाठी अत्यंत महत्वाची अपडेट समोर येत आहे . राज्य सरकार नेहमी विविध कल्याणकारी योजना राबवत असते .गेल्या काही दिवसांपासून महिलांसाठी विविध योजना सरकारने अंमलात आणून अंमलबजावणी केली आहे. राज्यातील शेती करणाऱ्या महिलांना शेतकरी म्हणून ओळख मिळावी याकरिता राज्य सरकारने महाराष्ट्र  महिला शेतकरी सक्षमीकरण अधिनियम 2026 (Act no.46 2026 ) या कायद्यांतर्गत राज्यातील शेतकरी महिलांना महिला शेतकरी प्रमाणपत्र देण्याचा निर्णय घेण्यात आला आहे.

नमस्कार शेतकरी मित्रांनो , आज आपण महिला शेतकरी प्रमाणपत्र म्हणजे काय ? अर्ज कसा करावा ? कागदपत्रे कोणते आवश्यक असतील ? महिला शेतकरी प्रमाणपत्र याचे फायदे काय आहेत हे जाणून घेणार आहोत त्यासाठी हा लेख शेवटपर्यंत वाचा.

🔹महिला शेतकरी प्रमाणपत्र 

राज्यातील महिला शेतकरी यांना कायदेशीर शेतकरी म्हणून ओळख मिळावी यासाठी राज्य सरकारच्या विधिमंडळाने  महाराष्ट्र महिला शेतकरी सक्षमीकरण अधिनियम (Act no.46 2026) या कायद्यांतर्गत  महिला शेतकरी प्रमाणपत्र देण्याचा निर्णय जुलै 2026 मध्ये घेण्यात आला आहे.

पारंपरिक दृष्ट्या शेतकरी जमीन कुटुंबातील पुरुषांच्या नावावर असल्यामुळे प्रत्यक्षात शेतात राबणाऱ्या महिलांना शेतकरी म्हणून नोंद होत नव्हती .ही अडचण दूर करण्यासाठी राज्य सरकारने महिला शेतकरी प्रमाणपत्र हा उपक्रम सुरू केलेला आहे .

🔹अर्ज कसा करावा.

• सर्वप्रथम महाराष्ट्र कृषी विभागाचा  अधिकृत  संकेतस्थळाला https://krishi.maharashtra.gov.in/Site/Home/Index.aspx भेट द्या .

• भेट दिल्यानंतर मोबाईल ब्राउझर मध्ये Desktop Site Mode ऑन करा.

• तुम्हाला homepage वरती महिला शेतकरी प्रमाणपत्र पोर्टल वरती क्लिक करायचं आहे.

• महिला शेतकरी प्रमाणपत्र पोर्टल उघडल्यानंतर Apply Now यावर क्लिक करा.

• त्यानंतर तुम्हाला तुमचे नाव,आधार क्रमांक, जिल्हा तालुका गावाचे नाव निवडायचे आहे. त्यानंतर Send OTP यावर क्लिक करा.आधार क्रमांकाशी नोंदणी केलेल्या नंबर वर तुम्हाला OTP ( ONE TIME PASSWORD) SMS द्वारे येईल तो क्रमांक तिथे भरा.

• मोबाईल क्रमांक भरा, तुमचे जात प्रवर्ग निवडा, त्यानंतर तुम्ही शेतीमध्ये कोणते काम करतात जसे की पिक लागवड, बियाणे उत्पादन , शेतमजूर, मासेमारी , पशुपालन, जलशेती दुग्ध व्यवसाय, पुष्पशेती , फलोत्पादन, रेशीम उद्योग ,व इतर तुम्ही शेतीमध्ये करत असलेले कामांची यादी बघून तुम्ही कोणते काम शेतीमध्ये करत असतात ते निवडा .

• तुमच्या जवळच्या कुटुंबातील कोणाकडे Farmer ID असेल तर "होय" पर्याय निवडा किंवा नसेल तर "नाही "हा पर्याय निवडा.त्यानंतर Submit बटनावर क्लिक करा.

महिला शेतकरी प्रमाणपत्र डाउनलोड करण्यासाठी :- 

https://uat-mahakrishi.mahaitgov.in/mahila-shetkari-service

या पोर्टल वर भेट द्या. भेट दिल्यानंतर पोचपावती क्रमांक टाकून किंवा आधार क्रमांक भरून जो OTP येईल तो भरा .थोड्याच वेळात तुमचे महिला शेतकरी प्रमाणपत्र डाउनलोड होईल .

🔹आवश्यक कागदपत्रे 

1. आधार कार्ड क्रमांक 
2. आधार कार्ड क्रमांकाशी लिंक असलेला मोबाईल क्रमांक.
3. रेशन कार्ड 
4. मतदार ओळखपत्र 
5. Utility bill

🔹अर्ज करण्यासाठी पात्रता 

• अर्जदार महिलांचे वय हे 18 वर्षे किंवा त्याहून अधिक असायला हवे.

• शेतजमिनीची मालकी आवश्यक नाही.

• अर्जदार महिला महाराष्ट्रातील रहिवासी आणि त्यांच्याकडे वैध अधिवास प्रमाणपत्र  असणे आवश्यक आहे.

• शेतीमध्ये किमान एका हंगामासाठी शेती संबंधित किंवा शेतजमिनीमध्ये काम केलेले आवश्यक आहे तुम्ही करत असलेले कार्य जसे की शेतमजूर , बियाणे उत्पादन,दुग्ध व्यवसाय व इतर योजनेमधील कार्य करत असलेले कोणतेही कामाच्या प्रकारांपैकी एक कार्य असले पाहिजेत.

• वैध आधार कार्ड असणे आवश्यक आहे .

🔹महिला शेतकरी प्रमाणपत्राचे फायदे 

• शेतजमीन कुटुंबातील जमिनीची मालकी पती किंवा इतर पुरुषांच्या नावावर असली तरीही शेतीत प्रत्यक्ष कष्ट करणाऱ्या महिलांना शासनाकडून शेतकरी म्हणून अधिकृत कायदेशीर मान्यता मिळते.

• कृषी विभागाच्या विविध योजनांमध्ये महिलांना अतिरिक्त अनुदान व प्राध्याने मिळते. उदा. पिक कर्ज, पिक विमा, ठिबक तुषार सिंचन, व इतर.

• भूमिहीन व स्वतः च्या नावावर सातबारा नसलेल्या महिला , भाडे पत्याने शेती करणाऱ्या किंवा शेतमजूर महिला यांना शासकीय योजनांचा लाभ घेता येतो.

• शेतीपूरक व्यवसाय सुरू करण्यासाठी जसे की (कुक्कुटपालन, , दुग्ध व्यवसाय, शेळीपालन,)व शेती पूरक उद्योग यासाठी बँका मार्फत सहज कर्ज उपलब्ध होते.

• शेतीमध्ये आर्थिक व सामाजिक निर्णय प्रक्रियेत सहभाग वाढून त्यांना आर्थिक दृष्ट्या स्वावलंबी होण्यास मदत होते.

🔹महिला शेतकरी प्रमाणपत्राचे महत्त्व 

महाराष्ट्र सरकारने राज्यातील शेतीमध्ये प्रत्यक्ष काम करणाऱ्या महिलांना प्रोत्साहन देण्यासाठी हा महत्त्वपूर्ण उपक्रम हाती घेतला आहे. महिला शेतकरी प्रमाणपत्राच्या माध्यमातून शेतीमध्ये कष्ट करणाऱ्या महिलांना शेतकरी म्हणून अधिकृत ओळख मिळण्यास मदत होणार आहे.

ग्रामीण भागातील अनेक महिला आपल्या कुटुंबाच्या शेतीमध्ये पुरुषांच्या बरोबरीने काम करतात. पेरणी, लागवड, निंदणी, कापणी, मळणी, पोलन,यांसह शेतीशी संबंधित अनेक कामांमध्ये महिलांचा मोठा सहभाग असतो. मात्र, अनेक वेळा शेतजमीन पुरुषांच्या नावावर असल्यामुळे महिलांची शेतीमधील प्रत्यक्ष भूमिका अधिकृत कागदपत्रांमध्ये दिसून येत नाही.

यामुळे काही शासकीय शेतीविषयक योजना, उपक्रम किंवा शेतकऱ्यांसाठी उपलब्ध असलेल्या सुविधांचा लाभ मिळत नव्हता. ही बाब लक्षात घेऊन शेतीमध्ये प्रत्यक्ष काम करणाऱ्या महिलांना ओळख मिळावी आणि त्यांना शासकीय योजनांमध्ये लाभ मिळावा या उद्देशाने महिला शेतकरी प्रमाणपत्र महत्त्वाचे ठरते.

महिला शेतकरी प्रमाणपत्रामुळे शेतीमध्ये कष्ट करणाऱ्या महिलांना विविध शेतीविषयक योजना व उपक्रमांमध्ये सहभागी होण्यासाठी आवश्यक ओळख निर्माण करण्यास मदत होऊ शकते. तसेच शेतीच्या निर्णय प्रक्रियेत महिलांचा सहभाग वाढण्यास, आर्थिक स्वावलंबनाला चालना मिळण्यास आणि महिलांचे सामाजिक व आर्थिक सक्षमीकरण होण्यास मदत होऊ शकते.

शेतीमध्ये पुरुषांसोबत महिलांचेही योगदान अत्यंत महत्त्वाचे आहे. त्यामुळे आपल्या कुटुंबातील किंवा परिसरातील शेतीमध्ये प्रत्यक्ष काम करणाऱ्या महिलांनी महिला शेतकरी प्रमाणपत्राबाबत माहिती जाणून घेऊन त्याचा लाभ अवश्य घ्यावा.

ही माहिती आपल्या घरातील, नातेवाईकांमधील तसेच परिसरातील शेतकरी महिलांपर्यंत नक्की शेअर करा.

🔹FAQ 

1. महिला शेतकरी प्रमाणपत्र म्हणजे काय?

उत्तर:- राज्यातील शेती मध्ये काम करणाऱ्या महिलांना शासनाकडून कायदेशीर ओळख देणारे प्रमाणपत्र म्हणजेच महिला शेतकरी प्रमाणपत्र होय.

2. महिला शेतकरी प्रमाणपत्रासाठी शुल्क आकारले जाते का ?

उत्तर:- महिला शेतकरी प्रमाणपत्रकरिता कोणतेही शुल्क आकारले जात नाही ही प्रक्रिया निःशुल्क आहे.

3.महिला शेतकरी प्रमाणपत्रासाठी शेतजमिनीची मालकी आवश्यक आहे का ? 

उत्तर :- नाही. शेती मध्ये काम करणाऱ्या महिलांना व शेतमजूर महिलांना किंवा महिला शेतकरी पोर्टल वरील अर्ज करताना  दिलेल्या शेती कामाची यादीपैकी कोणतेही एक कार्य करत असलेल्या महिलांना महिला शेतकरी प्रमाणपत्र मिळू शकते.

4.महिला शेतकरी प्रमाणपत्र हा उपक्रम कोणत्या विभागामार्फत राबविला जातो ? 

उत्तर :- महाराष्ट्र कृषी विभाग या विभागाद्वारे महिला शेतकरी प्रमाणपत्र हा उपक्रम राबविला जातो.

5.महिला प्रमाणपत्र मिळवण्यासाठी किती वय असणे आवश्यक आहे ?

  उत्तर :-  महिला अर्जदार 18 वर्ष किंवा त्याहून अधिक वय आवश्यक आहे.

6.महिला शेतकरी प्रमाणपत्रासाठी कोणकोणते कागदपत्रे आवश्यक आहे ? 

 उत्तर :- आधार कार्ड क्रमांक, आधार कार्ड क्रमांकाशी लिंक असलेला मोबाईल क्रमांक, रेशन कार्ड, मतदार ओळखपत्र आणि युटिलिटी बिल, अधिवास प्रमाणपत्र.

7.महिलांना महिला शेतकरी प्रमाणपत्र द्वारे शासनाच्या कृषी योजनांमध्ये सहभाग नोंदवता येतो का ? 

उत्तर:- हो. महिला शेतकरी प्रमाणपत्राद्वारे कृषी संबधित योजनेसंबंधित पात्रता  तपासून लाभ घेता येतो.

8.महिला शेतकरी प्रमाणपत्रासाठी ऑनलाईन अर्ज करता येतो का ? 

उत्तर:- हो . राज्य सरकारच्या कृषी विभागाच्या संकेतस्थळावरून ऑनलाईन अर्ज करता येतो.

☆☆☆☆☆☆☆☆☆☆☆☆☆☆☆☆☆☆☆☆☆☆

अशाच शासकीय योजना, शेती, नोकरभरती आणि महत्त्वाच्या अपडेट्ससाठी https://www.marathiarticle.site ला नियमित भेट द्या. आम्ही वेळोवेळी नवीन आणि विश्वासार्ह माहिती प्रकाशित करत असतो.

धन्यवाद !!