𝐌𝐚𝐫𝐚𝐭𝐡𝐢𝐚𝐫𝐭𝐢𝐜𝐥𝐞.𝐬𝐢𝐭𝐞

महाराष्ट्र शिक्षक भरती 2026 : MAHA TET परीक्षा झाली, आता पुढे काय? | शासन निर्णयाचा सविस्तर आढावा महाराष्ट्र राज्यातील शिक्षक भरती प्रक्रियेबाबत उमेदवारांमध्ये अनेक दिवसांपासून संभ्रम होता. MAHA TET परीक्षा झाली, निकाल लागला, पण भरती कधी होणार? पवित्र पोर्टल कधी सुरू होणार? असे अनेक प्रश्न शिक्षक उमेदवारांना पडले होते. या सर्व प्रश्नांना उत्तर देणारा महत्त्वाचा शासन निर्णय (GR) दि. 01 जानेवारी 2026 रोजी शालेय शिक्षण व क्रीडा विभागाने जारी केला आहे. हा शासन निर्णय प्राथमिक, उच्च प्राथमिक, माध्यमिक व उच्च माध्यमिक शिक्षक भरतीसाठी अत्यंत महत्त्वाचा असून, यामुळे येणाऱ्या शिक्षक भरतीचा मार्ग स्पष्ट झाला आहे. शासन निर्णयाचा उद्देश काय आहे? राज्यातील स्थानिक स्वराज्य संस्थांमार्फत चालवल्या जाणाऱ्या शाळांमध्ये दरवर्षी: शिक्षक सेवानिवृत्त होतात काही शिक्षक बदल्यांमुळे रिक्त होतात काही पदे विविध कारणांमुळे रिक्त राहतात या सर्व कारणांमुळे शैक्षणिक वर्ष 2025–26 मध्ये (मे 2026 अखेर) मोठ्या प्रमाणात शिक्षक पदे रिक्त होण्याची शक्यता आहे. ही पदे वेळेत भरली नाहीत, तर विद्यार्थ्यांच्या शिक्षणावर परिणा...